hinsegin-ht

Fjölskylduföndur á bókasafninu í Eyjafjarðarsveit

Fri, 12 Jun 2026 09:45:26 GMT

Föndur fyrir alla fjölskylduna

Meðal annars verður hægt að föndra nælur, lyklakippur, vinaarmbönd og fleira.

UPPLÝSINGAR

Staðsetning: Bókasafnið í Eyjafjarðarsveit

Dagsetning: 18. júní 2026

Tímasetning: Kl. 14-16

Ókeypis

Regnbogasund í sundlaug Hrafnagils

Fri, 12 Jun 2026 09:38:26 GMT

frítt í sund milli kl. 16-17

Regnbogasund í sundlaug Hrafnagils. Það verður frítt í sund fyrir öll milli kl. 16:00 - 17:00. Sundlaugin verður skreytt í regnbogalitum og skemmtileg tónlist fær að óma yfir sundlaugarbakkann.

UPPLÝSINGAR

Staðsetning: Sundlaugin í Hrafnagili

Dagsetning: 18. júní 2026

Tímasetning: Kl. 16-17

Ókeypis aðgangur milli kl. 16-17

Lifandi bókakaffi á bókasafninu í Eyjafjarðarsveit

Fri, 12 Jun 2026 09:30:21 GMT

Hinsegin einstaklingar deila sinni reynslu og bjóða upp á opið spjall

Lifandi bókakaffi á bókasafninu í Eyjafjarðarsveit. Þar verður hægt að eiga í góðu og opnu spjalli við hinsegin einstaklinga sem eru tilbúnir að deila reynslu sinni og taka opin við spurningum frá gestum. Boðið verður upp á kaffi og kleinur og því tilvalið að grípa sér bolla, velja sér bók og eiga opið spjall.

UPPLÝSINGAR

Staðsetning: Bóksafnið í Eyjafjarðarsveit

Dagsetning: 18. júní 2026

Tímasetning: Kl. 14-16

Ókeypis aðgangur

Tónleikar með Tár í Skógarböðunum

Fri, 12 Jun 2026 09:19:08 GMT

tónleikar í Skógarböðunum

Hljómsveitin TÁR sem er skipuð þeim Elínu Ey og Zöe Ruth Erwin mun spila fyrir gesti Skógarbaðanna í tilefni af Hinsegin hátíðinni á Norðurlandi eystra.

UPPLÝSINGAR

Staðsetning: Skógarböðin
Dagsetning: 18. júní 2026

Tímasetning: Kl. 20.30

Upplýsingar um aðgangseyri hjá Skógarböðunum má finna á www.forestlagoon.is

Styrktarbingó með Hinsegin Norðurlandi

Tue, 09 Jun 2026 14:10:14 GMT

Allur ágóði af bingóinu rennur til styrktar starfsemi Hinsegin Norðurlands til að styðja við starfsemi fyrir hinsegin fólk á Norðurlandi.

Hinsegin Norðurland heldur bingó á 4. hæð í Rósenborg (Skólastígur 2, 600 Akureyri).
Bingóið byrjar klukkan 14 og húsið opnar klukkan 13:30.
Stakt spjald kostar 1.000kr og 3 spjöld kosta 2.500kr. Einnig verður kaffihlaðborð sem kostar 1.000kr inn á.

Allur ágóði af bingóinu rennur til styrktar starfsemi Hinsegin Norðurlands til að styðja við starfsemi fyrir hinsegin fólk á Norðurlandi. Flottir og veglegir vinningar í boði fyrir heppna vinningshafa.

Það verður posi á staðnum.

English:

Hinsegin Norðurland is holding a bingo on the 4th floor of Rósenborg (Skólastígur 2, 600 Akureyri) the entrance is on the east side of the building. The bingo starts at 2 pm and the building opens at 1:30 pm.

A single bingo card costs 1,000kr and 3 bingo card cost 2,500kr. There will also be a buffet that costs 1,000kr.

All proceeds from the bingo will go to support Hinsegin Norðurland to help support activities for queer people in North Iceland. Nice and exciting prizes available for the lucky winners.

There will be a POS on site

UPPLÝSINGAR

Staðsetning: Salurinn á 4. hæð í Rósenborg, Skólastígur 2, Akureyri. Gengið inn að austan.
Dagsetning: Sunnudagur 21. júní 2026 kl. 14.00.

Hinsegin hátíð í Eyjafjarðarsveit

Tue, 09 Jun 2026 13:42:45 GMT

Velkomin á viðburðir í eyjafjarðarsveit í tilefni af Hinsegin hátiðinni!

Kl. 08.00 Vinnuskólinn málar regnbogagangbraut

Kl. 14.00-16.00 Fjölskylduföndur á bókasafninu í Eyjafjarðarsveit. Meðal annars verður hægt að föndra nælur, lyklakippur, vinaarmbönd og fleira.

Kl. 14.00-16.00 Lifandi bókakaffi á bókasafninu í Eyjafjarðarsveit. Þar verður hægt að eiga í góðu og opnu spjalli við hinsegin einstaklinga sem eru tilbúnir að deila reynslu sinni og taka opin við spurningum frá gestum. Boðið verður upp á kaffi og kleinur og því tilvalið að grípa sér bolla, velja sér bók og eiga opið spjall.

16.00-17.00 Regnbogasund í sundlaug Hrafnagils. Það verður frítt í sund fyrir alla á milli 16:00 - 17:00. Sundlaugin verður skreytt í regnbogalitum og skemmtileg tónlist fær að óma yfir sundlaugarbakkann.

20.30 Skógarböðin - Hljómsveitin TÁR sem skipuð er af þeim Elínu Ey og Zöe Ruth Erwin mun spila fyrir gesti Skógarbaðanna í tilefni af Hinsegin hátíð norðurlands Eystra.

UPPLÝSINGAR

Staðsetning: Víðsvegar í Eyjafjarðarsveit
Dagsetning: 18. júní 2026

Ókeypis í alla viðburðri nema borga þarf aðgangseyri að Skógarböðunum.

Músík bingó Fanneyjar

Fri, 05 Jun 2026 09:19:43 GMT

sæborg, Hrísey

Fanney kemur aftur til Hríseyjar með sitt stórkemmtilega Músik bingó. það verður mikið fjör og góð tónlist.

UPPLÝSINGAR

Staðsetning: Sæborg, Hrísey
Dagsetning: 19. júní 2025
Tími: 20.30

Aðgangseyrir er 3000 kr.

Gleðiganga og hátíðardagskrá í Hrísey

Thu, 04 Jun 2026 09:53:09 GMT

Hátíðardagskrá í Hrísey

Fögnum fjölbreytileikanum á Hinsegin dögum í Hrísey.

Regnbogamessa í Hríseyjarkirkju kl. 11.00 í umsjón Þóreyjar Daggar djákna.

Gleðiakstur á dráttarvélum kl. 14 frá hátíðarsvæði.

Útisvið eftir gönguna - Elías Dýrfjörð, Crisartista, Ukulellur, George Maurer og hljómsveitin Skandall.

Útisvæði - Svana Dan með vinabandagerð, pylsur og súpa til sölu.

Sundlaugardiskó fyrir börnin milli 16-18 í umsjón Ungmennafélagsins Narfa.

Tónleikar með Ukulellum í Sæborg kl. 20.00.

Hinsegin Kaupfélagið verður með varning til sölu.

UPPLÝSINGAR

Staðsetning: Víðsvegar um Hrísey
Dagsetning: 20. júní 2025

Tónleikar með Ukulellum í Sæborg í Hrísey

Thu, 04 Jun 2026 09:36:06 GMT

Hljómsveitin Ukulellur var stofnuð árið 2018 og er skipuð þrettán hinsegin konum

Ukulellur leitast við að auðga íslenska menningu með því að semja texta um veruleika hinsegin fólks og kvenna á öllum aldri. Þær skrifa um efni sem almennt er erfitt að finna í tónlist, svo sem breytingaskeiðið, hinsegin ástir, staðalímyndir, lesbíur og fordóma.
Ukulellur leggja sig fram við að uppræta fordóma ásamt því að styrkja samstöðu kvenna og hinsegin fólks.

UPPLÝSINGAR

Staðsetning: Sæborg, Hrísey
Dagsetning: 20. júní 2025
Tími: 20.00

Aðgangseyrir er 3000 kr.

Í fótspor þeirra

Wed, 03 Jun 2026 13:25:31 GMT

tónleikar í Svarta Kassanum í Hofi á Akureyri

Í fótspor þeirra eru tónleikar og sögukvöld sem haldnir eru á Kvenréttindadeginum 19. júní og eru jafnframt hluti af dagskrá Hinsegin daga á Norðurlandi.

Á tónleikunum fylgjum við slóðum listafólks sem lét rödd sína heyrast og notaði tónlistina til að tjá vonir, mótmæli, frelsisþrá og mannlega reynslu. Á milli laga eru stuttar frásagnir sem tengja saman sögur tónskálda og flytjenda á borð við Billie Holiday, Nina Simone, Joni Mitchell, Joan Baez, Kate Bush, Tracy Chapman, k.d. lang, Dusty Springfield og fleiri.

Efnisskráin spannar jazz, blues, folk og popptónlist og leiðir áhorfendur í gegnum ólík tímabil og ólíka baráttu fyrir sýnileika, frelsi og réttlæti. Þar mætast sögur svartra listamanna, kvenna og hinsegin fólks sem hafa haft áhrif á samfélagið með tónlist sinni.

Tónleikarnir eru jafnframt persónuleg ferð þar sem frumsamin lög tengja sögurnar við samtímann og spyrja hvað þessar raddir geti enn kennt okkur í dag.

Þetta eru því ekki hefðbundnir tónleikar heldur tónlistarleg frásögn um hugrekki, samkennd, sýnileika og von.

UPPLÝSINGAR

Staðsetning: Svarti Kassinn í Hofi
Dagsetning: 19.06.25
Tími: 20.00

Miðasala fer fram í gegnum www.mak.is

Raddir gegn hatri - námskeið í gagnræðu

Tue, 02 Jun 2026 15:21:17 GMT

Hvernig bregðumst við við fordómum, hatursorðræðu og særandi umræðu án þess að missa von, yfirvegunina eða röddina okkar?

Ergi, félag hinsegin stúdenta á Norðurlandi, býður í samstarfi við SHA, stúdentafélag Háskólans á Akureyri og Samtökin ’78, upp á námskeið í gagnræðu í tilefni Hinseginhátíðar Norðurlands Eystra.
Gagnræða er aðferð til að mæta skaðlegri og fordómafullri orðræðu af yfirvegun og með staðreyndir, mannúð og hugrekki að vopni. Hún snýst ekki um að standa í eða vinna rifrildi heldur um að rjúfa vítahring hatursorðræðu, minna á mikilvægi virðingar í samskiptum og umtali og skapa rými fyrir skilning, öryggi og uppbyggilegt samtal.
Á námskeiðinu verður farið yfir það hvernig við getum brugðist við þegar við verðum vitni að fordómum, hvort sem það gerist á samfélagsmiðlum, í skólastarfi, í pólitískri umræðu, á vinnustað, í fjölskylduboðum eða á kaffistofunni. Þátttakendur fá hagnýt verkfæri til að spyrja góðra spurninga, leiðrétta rangfærslur, setja mörk og koma jákvæðum sjónarmiðum á framfæri.
Viðburðurinn er sérstaklega ætlaður hinsegin fólki, stúdentum og aðstandendum þeirra en er opinn öllum. Við bjóðum sérstaklega skóla-, stjórnmála- og framlínustarfsfólk velkomið, enda skiptir miklu máli að fólk sem vinnur með öðrum hafi verkfæri til að bregðast við fordómum af öryggi, virðingu og ábyrgð.
Þetta er námskeið fyrir öll sem vilja láta gott af sér leiða, standa með jaðarsettum hópum og taka þátt í að byggja upp öruggara, hlýrra og réttlátara samfélag.

UPPLÝSINGAR

Staðsetning: Háskólinn á Akureyri (nánari staðsetning verður send í tölvupósti til allra þeirra sem skrá sig)
Dagsetning: 18. júní 2026
Tími:  Kl. 18:00–20:00

Opið öllum en nauðsynlegt er að skrá sig fyrir 15. júní með því að senda tölvupóst með nafni og persónufornafni á ergi@ergi.is

Hinnblástur

Tue, 02 Jun 2026 14:43:12 GMT

Hinseginbaráttan, stúdentahreyfingin og mikilvægi þess að taka pláss!

Stúdentar hafa sjaldan beðið kurteisislega eftir samfélagsbreytingum. Þeir hafa mætt, skrifað, mótmælt, skipulagt sig, tekið pláss og krafist þess að háskólar og samfélög verði betri, sanngjarnari og réttlátari fyrir öll sem þeim tilheyra. Barátta hinsegin fólks á sér sömu sögu: sögu fólks sem neitar að vera ósýnilegt.

Hinnblástur tengir þessar sögur saman.

Á viðburðinum skoðum við hvernig stúdentahreyfingin og réttindabarátta hinsegin fólks hafa mætt hvor annarri í samvinnu fyrir frelsi, sýnileika og mannréttindum. Við veltum því fyrir okkur hvernig háskólar hafa verið rými fyrir gagnrýna hugsun, róttækar hugmyndir og nýja samfélagssýn, en líka hvernig stúdentar hafa ítrekað þurft að minna stofnanir á að frelsi, jafnrétti og inngilding verða ekki til af sjálfu sér. Réttindi og áhrif verða nefnilega ekki til í tómarúmi. Þau verða til þegar fólk kemur saman, talar upphátt, spyr óþægilegra spurninga og neitar að sætta sig við að sum fái minna rými eða færri tækifæri en önnur.

Í tilefni Hinseginhátíðar á Norðurlandi Eystra býður SHA, stúdentafélag Háskólans á Akureyri , í samstarfi við Ergi, félag hinsegin stúdenta á Norðurlandi , til viðburðarins Hinnblástur . Viðburðurinn er tileinkaður hinsegin stúdentum, sögu baráttunnar og þeirri lifandi staðreynd að háskólasamfélagið verður sterkara þegar fleiri raddir fá að heyrast.

Á dagskrá verður fræðsla og fyrirlestur um tengsl hinsegin fólks og stúdentahreyfingarinnar, með áherslu á sýnileika, samstöðu og hlutverk stúdenta í samfélagsbreytingum. Á meðan á fræðslu stendur og að henni lokinni verður opin smiðja þar sem þátttakendur geta undirbúið skilti, slagorð og skilaboð fyrir þátttöku stúdenta í hinsegingöngum í Hrísey og Reykjavík. Þar verður hægt að setja eigin rödd á blað: kröfur, gleði, reiði, húmor, von, stolt og allt það sem hefur alltaf knúið réttindabaráttu áfram.

Viðburðurinn er öllum opinn, en hinsegin fólk, stúdentar, aðstandendur þeirra og aðilar háskólasamfélagsins eru sérstaklega hvött til að mæta.

Komdu, taktu pláss og vertu hluti af sameiginlegri sögu stúdenta og baráttu hinsegin fólks!

UPPLÝSINGAR

Staðsetning: Fyrir framan Réttindaskrifstofu stúdenta, Háskólanum á Akureyri, Norðurslóð 2, 600 Akureyri
Tímasetning: Fimmtudaginn 18. júní, kl. 16:00–18:00
Opið öllum og nóg að mæta

Queer History City Walk - Free guided tour in Akureyri (English-speaking)

Tue, 02 Jun 2026 11:58:12 GMT

Discover the history of Iceland’s queer community on a free guided city walk!

This event is a part of The Pride festival in Northeast Iceland 2026 and takes place on Saturday, June 20th. The tour starts in front of the Akureyri museum. Meeting point is by the old church (In front and to the right of the main museum building, as seen from the street).

The tour starts at 16:30 and lasts for about 2 to 2,5 hours. (We advise guests to arrive at the meeting point 5-10 minutes before the starting time)

We will explore some of the key locations around town while learning about queer history in Iceland, with a special focus on Akureyri, weaved in with the history of the town itself. The route is an easy walk that takes us through both old town and downtown.

The tour is delivered by Ása Sóley Andreudóttir. She is an experienced guide who has, along with her co-organizer Rúnar, researched this topic extensively and is passionate about sharing it.

The tour is totally free and no registration is required, simply show up! We do however kindly ask those who plan to attend to respond “going” to our Facebook event if possible: Link HERE!

The same tour will be delivered in Icelandic on June 19th. Same starting time, same meeting point. For more details, see the event for the Icelandic speaking tour: See event here.

INFORMATION

Location: Meeting point is by the old church (In front and to the right of the main museum building, as seen from the street).

Date: June 20th 2025
Time: The tour starts at 16:30 and lasts for about 2 to 2,5 hours

Hinsegin söguganga á Akureyri

Tue, 02 Jun 2026 11:40:33 GMT

Ókeypis gönguferð með íslenskri leiðsögn

Fræðstu um sögu hinsegin samfélagsins á Íslandi í þessari ókeypis sögugöngu um Akureyri.

Viðburðurinn er hluti af Hinsegin hátíð á Norðurlandi eystra 2026 og fer fram föstudaginn 19. júní næstkomandi.

Mæting er við Minjasafnskirkjuna og farið verður af stað þaðan klukkan 16:30. Áætlað er að gangan taki u.þ.b. 2 til 2,5 klukkustundir. Gestir eru vinsamlega beðnir um að mæta á staðinn 5-10 mínútum fyrir áætlaðann brottfarartíma.

Um er að ræða létta göngu um Innbæinn og miðbæinn þar sem sögufrægir staðir á Akureyri verða heimsóttir. Á leiðinni segir leiðsögumaður frá sögu hinsegin samfélagsins á Íslandi með sérstakri áherslu á Akureyri, samfléttaðri við bæjarsögu Akureyrar.

Leiðsögumaður er Rúnar Freyr Júlíusson. Hann er menntaður leiðsögumaður sem hefur, ásamt Ásu Sóley meðskipuleggjanda sínum, kynnt sér þetta viðfangsefni til þaula undanfarnar vikur

Ferðin er algjörlega ókeypis og engin skráningarskylda, bara mæta á staðinn! Þeir sem ætla sér að mæta eru þó vinsamlegast beðnir um að melda sig, ef þeir geta, á Facebook viðburðinn okkar: Hlekkur HÉR

Gönguferðin verður endurtekin með enskri leiðsögn laugardaginn 20. júní. Sami brottfarartími og upphafsstaður. Nánari upplýsingar er að finna á sér viðburði fyrir enskumælandi ferðina. Sjá Hér.

UPPLÝSINGAR

Staðsetning: Minjasafnskirkjan
Dagsetning: 19. júní 2026
Tími: 16:30 (Leiðsögnin tekur um 2 - 2.5 klst)

Enginn aðgangseyrir

Hinsegin hátíð á Norðurlandi eystra haldin í annað sinn 2026

Mon, 23 Feb 2026 13:25:06 GMT

Viðburðastyrkir í boði!

Hinsegin hátíðin á Norðurlandi eystra verður haldin í annað sinn dagana 18.-21. júní 2026. Verkefnið hlaut að nýju styrk úr Uppbyggingasjóði Sóknaráætlunar Norðurlands eystra.

Í ár verður sú nýjung í boði að búið er að opna fyrir umsóknir í viðburðapott þar sem hægt er að sækja um styrki fyrir viðburði á hátíðinni. Umsóknarfrestur er til og með 13. apríl nk. Sótt er um á rafrænu umsóknarblaði sem finna má HÉR.

Markmið hátíðarinnar er að auka sýnileika LGBTQ+ samfélagsins og byggja upp samfélag sem er opið og öruggt fyrir alla íbúa og gesti. Hátíðin byggir á því góða starfi sem unnið hefur verið í Hrísey en fyrsta Hinsegin hátíðin í Hrísey var haldin árið 2023.

Öll sveitarfélögin á Norðurlandi eystra standa að hátíðinni. Sveitarfélögin vinna saman að undirbúningi hátíðarinnar, sem er hugsuð þannig að viðburðir fari fram á öllu svæðinu.

Þau sem vilja koma hugmyndum á framfæri, geta haft samband við Elísabetu Ögn verkefnastjóra hátíðarinnar í gegnum netfangið hinseginhatid@akureyri.is

Stafræn sýningarleiðsögn

Fri, 20 Jun 2025 11:15:24 GMT

Út úr skugganum & Bakslag

Í tilefni af Hinsegin hátíð 2026 viljum við minna á að sýningarnar Út úr skuggunum og BAK/SLAG sem sýndar voru í Safnahúsinu á Húsavík í fyrra eru áfram aðgengilegar á izi.TRAVEL þar sem hægt er að skoða þær rafrænt. Hlekkur HÉR.

Sýningarnar fjalla báðar um hinsegin sögu, sýnileika og réttindi – hvor á sinn hátt.

Sýningin Út úr skugganum (Out of the Shadows) varpar ljósi á líf og baráttu hinsegin fólks í Þingeyjarsýslu og skiptist í þrjá hluta:

Kynvilla – saga Guðmundar Sigurjónssonar, eina mannsins sem vitað er að hafi verið dæmdur árið 1924 samkvæmt eldri lögum gegn samkynhneigð. Sýningin rekur ferðalag hans frá Þingeyjarsýslu til Kanada og aftur heim.
Ást og réttindi – brúðkaup, staðfest samvist og fjölskyldur hinsegin fólks í Þingeyjarsýslu, auk radda barna hinsegin og trans foreldra.
Að sjást og heyrast – viðtöl við fólk úr samfélaginu sem lýsir því hvað sýnileiki þýðir í dag.

Hin sýningin, Bakslag, fjallar um sívaxandi andóf og þær hættur sem hinsegin og trans fólk mætir í samtímanum – bæði á Íslandi og erlendis. Á sýningunni má sjá portrettmyndir, tilvitnanir og hljóðupptökur sem minna okkur á að við getum ekki leyft okkur að þegja þegar mannréttindi eru í hættu.

Sýningarnar eru unnar samhliða og styðja hvor aðra: Önnur minnir á baráttuna fyrir sýnileika og réttindum, hin á ástæðurnar fyrir því að við verðum að halda áfram að standa vörð um þau.

Verkefnið er hluti af Hinsegin hátíð á Norðurlandi eystra og er styrkt af Norðurþingi og Uppbyggingarsjóði SSNE. Sýningarnar verða opnar út júlí.

Hinsegin tónlistarkvöld

Wed, 11 Jun 2025 11:36:34 GMT

Pride Music night Gamla bæjarins

Gamli bærinn tekur að sjálfsögðu þátt í Hinsegin hátíðinni og verður með sérstakan pride drykk á boðstólum, pride tónlist og auðvitað góða stemningu.

Ekki láta þig vanta!

UPPLÝSINGAR

Staðsetning: Gamli bærinn í Mývatnssveit
Dagsetning: 20. júní 2026
Tími: 22.00-00.00